Translate

Sunday, October 6, 2013

ગેસ્ટ બ્લોગ : નાનાં નાનાં પ્રયત્નોથી પરિવર્તન


-     સુજાતા શાહ, મુંબઈ

                        મારી દિકરી  અને  જમાઈ બાંદરાથી  અંધેરી તેમના ઘરે રીક્ષામાં જતા હતા . મારા જમાઈ હેમલે  રીક્ષાવાળાને કહ્યું ," ભાઈ, જો તું ટ્રાફીકનો એકપણ નિયમ નહિ તોડે અને બિનજરૂરી હોર્ન નહિ વગાડે તો હું તને ભાડા કરતાં 10 રૂ . વધારે આપીશ."

                રીક્ષાવાળાએ હસીને કહ્યું ," સાહેબ , મને પણ નિયમપૂર્વક  રીક્ષા ચલાવવી ગમે છે, પરંતુ  મારા સાથીદારોનું અનુકરણ કરું છું - ક્યારેક અનિચ્છાએ પણ કરવું પડે છે. હું નિયમમુજબ રીક્ષા ચલાવીશ , તમારે કોઈ બક્ષિશ આપવાની જરૂર નથી ."

                તેણે  બરાબર નિયમાનુસાર રીક્ષા ચલાવી , ક્યાંય  સિગ્નલ પણ તોડ્યું નહિ. જુહુ  જંકશન પર સિગ્નલ લાલ બત્તી બતાવતું હતું છતાં થોભવાની જગાએ બધા વાહનચાલકો વાહનો મનસ્વીપણે  હંકારતા હતાં . રીક્ષાવાળાએ પાછળ ફરી હેમલને પૂછયું ,"સાહેબ, હવે શું કરું ?" હેમલે  કહ્યું શાંતિથી માર્ગ કાઢીને ચાલ . રીક્ષાવાળાએ એમ કર્યું .

                રીક્ષા અંધેરી પહોંચી ગઈ એટલે ભાડું આપતી વેળાએ હેમલે રીક્ષાવાળાને બક્ષિશ આપી.પણ રીક્ષાવાળાએ તેનો વિવેકથી અસ્વીકાર કર્યો. હેમલે તેને બક્ષિશ સ્વીકારવા ફરી ફરી વિનંતી કરી. છેવટે હેમલના આગ્રહ ને માન આપી તેણે બક્ષિશ સ્વીકારી. હા, બધા રિક્ષાવાળા આવા સારા હોય જરૂરી નથી  પરંતુ આપણે આવો પ્રયત્ન કરતાં રહેવું જોઈએ. બને ત્યાં સુધી નિયમોનું પાલન કરવું જોઇએ. જે નિયમોનું પાલન કરે છે તેને પ્રોત્સાહન આપવું જોઇએ. હંમેશાં  સરકાર ને કે સમાજને ગાળો આપવા કરતાં આવા થોડા થોડા નાનાં નાનાં પ્રયત્નોથી બદલાવ આવી શકે તો શું ખોટું?

-       સુજાતા શાહ, મુંબઈ (sujatasshah@hotmail.com)

No comments:

Post a Comment