Translate

Sunday, March 20, 2016

ફિલ્મી સંગીત અને જનરેશન ગેપ

રોજની જેમ ઓફિસે જવા સવારે ઉતાવળે તૈયાર થઈ રહ્યો હતો.પપ્પા ચા પી રહ્યા હતા. રેડીઓ પર બે-અઢી દાયકા અગાઉ સુપરહીટ નિવડેલી ફિલ્મ મૈને પ્યાર કીયા નું કર્ણપ્રિય સંગીત ધરાવતું ગીત 'કબૂતર જા જા જા...' વાગવાની શરૂઆત થઈ.
નમ્યાની સ્કૂલમાં દર મહિને આખર તારીખે જામ (જસ્ટ મિનિટ) સેશન થાય જેમાં દરેક બાળકે એક મિનિટ માટે તે મહિનાની અગાઉથી નિયત કરેલી થીમ પર બોલવાનું હોય. મહિનાની થીમ છે 'મીન્સ ઓફ કમ્યુનિકેશન' (સંદેશ વ્યવહારના માધ્યમો).મેં વિષય પર હમણાં નમ્યા માટે નાનકડી સ્પીચ તૈયાર કરી જેમાં એવો ઉલ્લેખ કર્યો હતો કે પ્રાચીન સમયમાં કબૂતરોનો સંદેશવાહક તરીકે ઉપયોગ થતો. રેડીઓ પર 'કબૂતર જા જા જા...' ગીત સાંભળી ગીતનો પણ યથા યોગ્ય ઉપયોગ સ્પીચમાં ઉમેરવાનો વિચાર મન માં ઝબકી ગયો ત્યાં પપ્પાએ અગાઉ પણ ઘણી વાર કરેલી ચર્ચા ફરી એક વાર શરૂ કરી.
 તેમના શબ્દોમાં : આજકાલ સંગીત ખતમ થઈ ગયું છે. કેટલા મધુર ગીતો અગાઉની ફિલ્મોમાં સાંભળવા મળતા!કેટલું કર્ણપ્રિય સંગીત છે આ...(મૈને પ્યાર કિયા ફિલ્મનું)પહેલા ના ગીતોમાં અર્થસભર શબ્દો હતાં જે મમળાવવા ગમે અને આ ગીતોનું સંગીત એવું રહેતું જે વારંવાર ,આજે પણ સાંભળવું ગમે. જ્યારે આજની ફિલ્મોનું સંગીત? ઢંગધડા વગરનું.ગીતમાં અર્થસભર શબ્દો નહિ!આજની પેઢી પાસે પણ ટેલેન્ટ છે,કદાચ ગઈ કાલની પેઢી કરતાં પણ વધારે ટેલેન્ટ છે.પણ તેમને કોઈ રાહ દેખાડનાર નથી.
હું તેમના વિચારો સાથે સંપૂર્ણ સહમત નથી.પરિવર્તન સંસારનો નિયમ છે.લોકોનો ટેસ્ટ બદલાય છે.આજે વધુ ફિલ્મો બને છે.વધારે ગીતો બને છે.ઘણાંખરા ગીતો શબ્દો અને સંગીતની દ્રષ્ટીએ બકવાસ હશે પણ બધાં ગીતો બકવાસ નથી હોતા.આજે પણ સારા શબ્દો અને સારૂં સંગીત ધરાવતા ગીતો વાળી ફિલ્મો બને છે.પણ ફાસ્ટ વર્લ્ડ અને અતિ અલ્પ શેલ્ફ લાઈફ વાળી વસ્તુઓના જગતમાં ગીતો અને ફિલ્મો પણ આવે છે અને ભૂલાઈ જાય છે.

.આર.રહેમાન,સંજય લીલા ભણસાલી,શંકર-અહેસાન-લોય,સચીન-જીગર વગેરે જેવા મારા મનપસંદ સંગીતકારો આજે પણ કર્ણપ્રિય-મધુરુ-જ્યારે તમે સાંભળો ત્યારે એક જુદા વિશ્વમાં લઈ જનારૂં સંગીત પીરસે છે.આજે પણ સૂફી સંગીત,પો ,રોક,ફ્યુઝન વગેરેના ઉપયોગ થકી અનેક પ્રયોગો થાય છે અને આપણને ક્યારેક કંઈક નોખું સાંભળવા મળે છે.પણ જૂની પેઢી અને નવી પેઢી વચ્ચે ટેસ્ટ્સના અંતરને 'જનરેશન ગેપ' કહેતા હશે!

Monday, March 14, 2016

મોબાઈલ વોલેટની દુનિયામાં ડોકિયું

આજનો યુગ ટેક્નોલોજી નો યુગ છે. ડેસ્ક્ટોપ પછી લેપટોપ્સ આવ્યા અને લેપટોપ્સ બાદ ટેબ્સ. ટેબ્સ અને મોબાઈલનું અત્યારે વર્ચસ્વ છે. મોબાઈલ પણ સ્માર્ટ બન્યા છે અને સ્માર્ટ મોબાઈલ માં અનેક વિધ એપ્સ ડાઉનલોડ થયા કરે છે. હવે મોટા ભાગના ઇન્ટરનેટ યુઝર્સ આર્થિક ,બેન્કીંગ કે વ્યવસાયિક વ્યવહારો મોબાઈલ પર કરે છે. ઘણું સગવડ ભર્યું પણ છે.તમે હાલતા ચાલતા કે પ્રવાસ કરતા ટ્રાન્ઝેકશન કરી શકો છો.હવે નાણાકિય વ્યવહારો માટે અનેક સુવિધાઓ ઉપલબ્ધ છે.એમાંની એક સુવિધા એટલે મોબાઈલ વોલેટ.
મોબાઈલ વોલેટ એટલે એક એવું વર્ચ્યુઅલ પાકીટ જેમાં તમે તમારા અન્ય ક્રેડીટ કાર્ડ્સ, ડેબીટ કાર્ડ્સ વગેરે ની માહિતી એક જગાએ સંગ્રહી રાખી શકો અને જરૂર પડ્યે તેમાંના એક વિકલ્પનો તમારી પસંદગી પ્રમાણે ઉપયોગ કરી શકો. લાંબા લાંબા ક્રેડીટ કે ડેબિટ કાર્ડ નંબર  યાદ રાખવાની, દરેક ટ્રાન્ઝેકશન વેળાએ ટાઈપ કરવાની માથાકૂટ નહિ અને ઉપરાંત મોબાઈલ વોલેટ સુવિધાના અન્ય લાભો તો ખરા જ.દાખલા તરીકે તમારી પાસે પાંચ જુદા જુદા ક્રેડીટ કાર્ડ હોય અને બે ડેબીટ કાર્ડ ,તો સાતે કાર્ડ્સની માહિતી એક વાર મોબાઈલ વોલેટમાં નાખી દો એટલે પછી કોઈ પણ ઓનલાઈન ટ્રાન્ઝેકશન કરતી વેળાએ તમારે સાત માંથી એક પસંદગી કરી ટ્રાન્ઝેકશન પૂરું કરવાનો એક વિકલ્પ જેમાં તમારી માત્ર જે તે કાર્ડનો સી.વી.વી. નંબર ટાઈપ કરવાનો રહેશે.અથવા સાત કાર્ડ માંથી એક દ્વારા તમારા વોલેટમાં તમે રોકડા પણ ઉમેરી ને રાખી શકો. તો તમારે સી.વી.વી. નંબર ટાઈપ કરવાની પણ જરૂર નહિ પડે અને કોઈક કોઈક મોબાઈલ વોલેટ તો તમને રોકડા રાખવા બદલ કેશબેક રૂપે સારી એવી રકમ મફતમાં તમારા વોલેટમાં તેમના તરફ થી ભેટ રૂપે ઉમેરી આપે! નફામાં! જેમકે મોબિક્વીક મોબાઈલ વોલેટ દ્વારા ઘણી વાર એવી ઓફર કરાય છે કે જો તમે તમારા વોલેટમાં એક હજાર રૂપિયા રોકડા ઉમેરી રાખશો તો તેઓ પચાસ કે સો રૂપિયા વધુ પોતાના તરફ થી ઉમેરશે અને તમને એક હજાર પચાસ કે અગિયારસો રૂપિયાનું બેલેન્સ વાપરવા મળશે! મોબિક્વીક વાળા જો તમે ક્રેડીટ કાર્ડ વગેરે નો ઉપયોગ કરતા હોવ તો તમારા ઘરેથી રોકડા રૂપિયા લઈ જવાની સુવિધા પણ આપે છે.
જે લાભની વાત ઉપર કરી તો નફામાં ખરા  . જેમકે ફલાણી સાઈટ પર ખરીદી કરી કોઈ ચોક્કસ મોબાઈલ વોલેટથી ઓનલાઈન પેમેન્ટ કરશો તો પાંચ કે દસ કે વીસ ટકા ની છૂટ અથવા એટલા રૂપિયાની રકમ તમારા મોબાઈલ વોલેટમાં કેશબેક રૂપે અમુક કલાકો બાદ જમા થઈ જાય જેનો તમે ભવિષ્યમાં ઉપયોગ કરી શકો. ઓનલાઈન ખરીદી વિમાન કે ટ્રેનની ટિકીટ પણ હોઈ શકે કે હોટલમાં ઓનલાઈન ઓર્ડરનું પેમેન્ટ પણ હોઈ શકે કે જીમ ની મેમ્બરશીપ ફી પણ હોઈ શકે કે તમારૂં વિજળી કે ટેલિફોનનું બિલ પણ કે પછી ફિલ્મની ટિકીટ ની ખરીદી પણ હોઈ શકે કે કરીયાણા કે ઘર માટે સુશોભન કે ફર્નિચરની કોઈ વસ્તુ પણ હોઈ શકે.
ખિસ્સામાં રોકડા રાખીને ફરવાની જગાએ તેના જોખમો ટાળવા મોબાઈલ વોલેટનો ઉપયોગ અસરકારક રીતે થઈ શકે. જાણે તમારૂં પાકીટ તમારા મોબાઈલમાં હોય અને પાછા વાપરવાના અન્ય ઉપર જણાવેલા લાભો નફામાં!
PayTM , ItsCash , MobiKwik , PayUMoney  વગેરે જેવા અનેક મોબાઈલ વોલેટ વચ્ચે આજે જાણે સ્પર્ધા જામી છે વધુ ગ્રાહકો અંકે કરી બિઝનેસ કરવાની જેમાં તેઓ એકમેક થી ચડિયાતી ઓફરો આપે છે અને સરવાળે લાભ તો ગ્રાહકોને થાય છે.

ટેક્નોલોજી થી ગભરાઈ ગયા વગર તેને શિખી લઈ તેનો ઉપયોગ કરશો તો ઘણાં લાભ માં રહેશો.આજે મોબાઈલ ફોનના જમાનામાં જો તમારી પાસે એકાદ મોબાઈલ વોલેટ અકાઉન્ટ નહિ હોય તો તમે ઘણું બધું ગુમાવી રહ્યા છો એમ સમજજો. અંગે વધુ જાણકારી મેળવી હાથવગા સાધનનો ઉપયોગ કરશો તો આર્થિક લાભ સાથે માનસિક સંતોષ પણ પ્રાપ્ત થશે કંઈક નવું શિખ્યાનો , કંઈક નવું કર્યાનો એની ગેરન્ટી!

Sunday, March 6, 2016

નીરજા ભનોત પાસેથી શિખવા જેવું

આપણે ફરજ પર કે કામ પર હોઇએ અને કોઈ દુર્ઘટના ઘટે ત્યારે આપણું વર્તન કેવું હોય?દાખલા તરીકે તમે ઓફિસમાં હોવ અને આગ લાગે તો ત્યારે તમે બીજાઓને બચાવવામાં મદદ કરો કે પોતે સૌથી પહેલા રફૂચક્કર થઈ જાવ?અઘરો પ્રશ્ન છે. નહિ? જાન બચી લાખો પાયેને મંત્ર બનાવી પોતાનો પ્રાણ બચાવવા બીજા કોઈની પરવા કર્યા વગર સૌથી પહેલાં ભાગી છૂટવું કે બીજાઓને બચાવવા પોતાના પ્રાણની પરવા કર્યા વગર સૌને મદદ કર્યા બાદ સૌથી છેલ્લે પોતે બચવા માટે બહાર નિકળવું? તાજેતરમાં રજૂ થયેલી બેહદ સુંદર,વિચારપ્રેરક ફિલ્મ નીરજાએ પ્રશ્ન અંગે વિચાર કરવા અને બ્લોગ લખવા પ્રેર્યો.
સપરીવાર માણવા લાયક અને ચોક્કસ જેમાંથી એક કરતા વધુ પાઠ શિખી શકાય એવી ફિલ્મ અચૂક જોવા જેવી છે. નીરજા ભનોત નામની બહાદુર પંજાબી યુવતિની સત્ય જીવન કથા પર આધારીત ફિલ્મ માત્ર બે ક્લાકમાં જીવનમાં ઉતારવા જેવા મહામૂલા પાઠ ઉપદેશાત્મક બન્યા વિના શિખવી જાય છે.
નીરજાને તેના પિતાએ ત્રણ વાત શિખવી હતી.એક - જીવનમાં બહાદુર બનો.બે - કોઈ પણ પ્રકારનો અન્યાય કરો, સહો. ત્રણ - ઉપરની બે વાત ડગલે ને પગલે જીવનમાં અનુસરો. નીરજા જાણે શીખમાંથી સતત જીવન જીવવાનું બળ મેળવતી રહે છે, તેના જીવનમાં મુશ્કેલીઓ આવ્યે.
નીરજા ઘણી નાની વયે પરણી ગઈ હતી.તે સમયે તે મોડેલીંગ કરતી.પણ તેના લગ્ન ખોટી વ્યક્તિ સાથે થઈ ગયા.તેનો પતિ સતત તેની માનસિક સતામણી કરતો અને શારીરિક મારઝૂડ પણ.તેણે તેને મોડેલીંગ પણ છોડવા મજબૂર કરી.ઘણું મૂગા-મૂગા સહન કર્યા બાદ તેની સહનશીલતાની હદ પાર થઈ જતાં તેણે પિતાની સલાહ અનુસરવાનું નક્કી કર્યું અને પતિથી છૂટ્ટી થઈ ગઈ. માતાને પુત્રીના અન્યાયી-જુલ્મી પતિની સચ્ચાઈની જાણ નહોતી તેથી તેણે પહેલા તો અન્ય ટીપીકલ ભારતીય સ્ત્રીની જેમ દિકરીને સહન કરી લગ્ન જીવન ટકાવી રાખવાની સલાહ આપી.પણ સચ્ચાઈની જાણ થતા દિકરીની પડખે ઉભા રહી તેને નવજીવન શરૂ કરવામાં પૂરેપૂરો સાથે આપ્યો.ત્રણેક દાયકા પહેલા પણ આટલા ફોર્વર્ડ માતાપિતા આપણને સંતાનોની સાથે રહેવાની કિંમતી શીખ આપી જાય છે.
મોડેલીંગ કરવાની સાથે નીરજા એરહોસ્ટેસ પણ બને છે અને પોતાના નવા જીવનમાં સેટ થઈ જાય છે.તેને અડધી રાત જેવા કસમયે ફરજ પર જવાનું હોય ત્યારે બિલકુલ કંટાળા વગર એરપોર્ટ સુધી મૂકવા જનાર ડ્રાઈવર યુવાન નીરજાના પ્રેમમાં પડે છે અને નીરજા પણ તેના પ્રત્યે કૂણી લાગણીનો અહેસાસ કરે ત્યારે એક ગોઝારી ઘટના બને છે.
જે વિમાનમાં ફરજ બજાવી રહી હોય છે તે ફ્લાઈટને પાકિસ્તાનમાં આતંકવાદીઓ હાઈજેક કરે છે. અન્ય - મહિલા તેમજ એક પુરુષ એર-હોસ્ટ્સના કાફલામાં તે પોતે બધાનું જાણે નેતૃત્વ લઈ લે છે અને ભારે હિંમત તથા સ્વસ્થતાથી અચાનક આવી પડેલી આફતનો સામનો કરે છે. સમયસૂચકતા વાપરી પાઈલોટ્સને સંદેશ પહોંચાડી દે છે કે પ્લેન હાઈજેક થઈ ચૂક્યું છે જેથી તેઓ ભાગી જવામાં સફળ થાય છે અને બહાર જઈ સત્તાવાળાઓને જાણ કરે છે જેથી મદદ કરી શકાય અને અનેક નિર્દોષ પ્રવાસીઓના જીવ બચાવવા યોગ્ય પગલા લઈ શકાય.
એક પ્રવાસીની નિર્મમ હત્યા આતંકવાદીઓ નીરજાની સામે કરી નાંખે છે અને તેના લોહીના છાંટા પણ પોતાના મુખ પર ઉડયા હોવા છતાં નીરજા આવા કપરા કાળમાં પિતાની ત્રણ સોનેરી સલાહ યાદ કરે છે અને હિંમત ધારણ કરી લે છે. કપરા સમયે ભાગી છૂટવાની વૃત્તિ સાચા નેતૃત્વનો ગુણ નથી.પણ ત્યારે પરિસ્થીતી હાથમાં લઈ સાહસ દાખવી પડકારનો સામનો કરવો સાચા લીડરનો ગુણ છે.કપરી ગંભીર પરિસ્થીતીમાં પણ તે પ્રવાસીઓને ખાવા-પીવાનું વહેંચવા જવાની આતંકવાદીઓ પાસેથી પરવાનગી મેળવી લે છે અને કૂનેહ પૂર્વક એમ કરતી વેળાએ જરૂરી સંદેશાઓ પણ પ્રવાસીઓ સુધી તેમજ પોતાના સહકર્મચારીઓ સુધી સિફતપૂર્વક પહોંચાડી દે છે. બારેક કલાક કરતા પણ વધુ સમય સુધી નીરજા પોતે પણ હિંમતપૂર્વક ભારેલા અગ્નિ જેવી પરિસ્થીતીનો સામનો કરે છે અને પોતાની ફરજ પણ નિષ્ઠા,આગવી સૂઝબૂઝ અને કાબેલેતારીફ પ્રેઝેન્સ ઓફ માઈન્ડ સાથે બજાવે છે.
છેવટે વિમાનમાં લાઈટ ચાલી જતા અંધાધૂંધી સર્જાય છે અને ત્યારે મોકો મળતા તે ઇમર્જન્સી દરવાજો ખોલી નાંખી પ્રવાસીઓને ત્યાંથી સુરક્ષિત રીતે બહાર કાઢવામાં લાગી જાય છે. જો તે ઇચ્છત તો સૌથી પહેલો કૂદકો પોતે મારી સહેલાઈથી છટકી જઈ શકત.પણ તે સર્જાઈ છે અન્યોની મદદ કરવા!પોતે છેલ્લે સુધી ફ્લાઈટના બધાં પ્રવાસીઓને મુક્ત કરવવા ઝઝૂમે છે અને છેલ્લે આતંકવાદીની ગોળીનું નિશાન બની હિંમતપૂર્વક શહીદી વહોરે છે.
રાજેશ ખન્નાની નીરજા બહુ મોટી ફેન હતી અને તેના આનંદ ફિલ્મના ડાયલોગ્સ તે વારંવાર ગણગણતી.જીવન લાંબુ નહિ પણ મોટું (અર્થપૂર્ણ) હોવું જોઇએ. ડાયલોગ તે જાણે જીવી જાણે છે.માત્ર ત્રેવીસ વર્ષની વયે નીરજા મૃત્યુને ગૌરવ અપાવે છે.ફ્લાઈટમાં ફસાયેલા બાળક દ્વારા પોતાની માતા માટે સંદેશો પહોંચાડે છે પણ ડાયલોગ સ્વરૂપે - "પુષ્પા ટીયર્સ (અશ્રુઓ) તુમ્હારે ગાલો પે શોભા નહિ દેતે!"

છેલ્લે નીરજાની માતાની ભૂમિકા બજાવતી શબાના આઝમીની પુત્રીના પ્રથમ પુણ્યતિથીએ અપાયેલ નાનકડી સ્પીચ સ્વરૂપના ડાયલોગ્ઝ પણ ખૂબ પ્રેરણા દાયી છે.સોનમ કપૂર,શબાના આઝમી,નીરજાના પિતાનો રોલ ભજવતા કલાકાર - સૌએ ખુબ સુંદર અભિનય દ્વારા ફિલ્મને ખુબ મહાન અને અર્થપૂર્ણ બનાવી દીધી છે.